СЭДС-ийн бэлтгэж буй 6 мэргэжлийн хөтөлбөрүүд нь сургуулийн эрхэм зорилго, алсын хараатай уялдсан, цаг үе, хэрэгцээ шаардлагад нийцсэн, ёс зүйтэй, хүнлэг, шударга, иргэний хариуцлагатай, чадварлаг, мэргэжилтэй боловсон хүчин бэлтгэх зорилготой.
“Гадаад хэлний орчуулга” /Япон хэлний орчуулагч/ хөтөлбөр
“Япон хэлний орчуулагч” бакалаврын хөтөлбөрөөр япон хэлний аман ба бичгийн орчуулга хийх, бие даан энэ чиглэлийн үйл ажиллагааг эрхлэх, зохион байгуулах, дорно дахины болон хэл шинжлэлийн судалгааны ажил хийх чадвартай нийгэм, хүмүүнлэгийн салбарт, шаардагдах ур чадваруудыг эзэмшсэн мэргэжилтнийг академик сургалтаар бэлтгэнэ.
“Олон улс, орон судлал” /Япон орон судлал/ хөтөлбөр
“Япон орон судлал” бакалаврын хөтөлбөрөөр япон орны түүх, соёл, орон судлалын талаар мэргэжлийн түвшний өндөр мэдлэгтэй, хоёр орны харьцуулсан соёл болон иргэншлийн асуудлаар зөвлөгөө өгөх, гадаад харилцааг өргөжүүлэх, хөгжүүлэхийн талын асуудлыг шийдвэрлэх чадвартай, япон хэлний аман ба бичгийн орчуулга хийх, бие даан энэ чиглэлийн үйл ажиллагааг эрхлэх, зохион байгуулах, дорно дахины болон хэл шинжлэлийн судалгааны ажил хийх чадвартай нийгэм, хүмүүнлэгийн салбарт шаардагдах ур чадваруудыг эзэмшсэн мэргэжилтнийг академик сургалтаар бэлтгэнэ.
Энэхүү мэргэжлээр төгсөж байгаа оюутнууд нь япон хэлний өндөр мэдлэгтэй, орчуулах ур чадвартай, хэл шинжлэл, соёл судлал, түүх, эдийн засаг, нийгэм судлалын онолын суурь мэдлэгтэй, япон үндэстний онцлогийг ойлгож, харилцааны соёл, ёс зүйн хэм хэмжээг эзэмшсэн мэргэжилтэн болон төгсдөг тул нийгмийн олон салбарт энэхүү мэргэжлийн зах зээлийн эрэлт хэрэгцээ харьцангуй өндөр түвшинд байна.
“Эдийн засаг “ /олон улсын эдийн засаг/ хөтөлбөр
Соёл Эрдэм дээд сургуулийн Эдийн засаг хөтөлбөр нь 2000 оноос эхлэн хэрэгжиж өнөөг хүртэл тогтвортойгоор эдийн засгийн чиглэлийн мэрэгжилтнүүдийг бэлтгэсээр ирсэн. Эдийн засаг хөтөлбөрөөр бакалаврын зэрэг авсан төгсөгч нь бизнесийн болон төрийн байгууллагын аль ч түвшинд эдийн засаг, төлөвлөлт, төсвийн удирдлага-зохион байгуулалт, нягтлан бодох бүртгэл, банк санхүүгийн чиглэлээр ажиллах мэдлэг чадвар эзэмшсэн эдийн засагч, мөн эрдэм шинжилгээний болон сургалтын байгууллагад, сургалт судалгааны чиглэлээр ажиллах боломжтой.
“Программ хангамж” хөтөлбөр
Программ хангамж мэргэжил нь компьютерийн техник хангамж болон программ хангамжийг хэрэглэн хэрэглэгчийн тодорхойлсон бүх шаардлагыг хангасан программ хангамжийн системийг хөгжүүлэх, шинийг ирэлхийлэх, мэдээллийг хувиргах, хадгалах, хамгаалах, боловсруулах, болон найдвартайгаар хүлээн авах тухайг судалдаг бөгөөд бизнес, засгийн газар, эмнэлэг, сургууль, өөр бусад байгууллагуудын компьютерын технологийн хэрэгцээ, шаардлагыг таниж мэдэх, нууцлал хамгаалалт, аюулгүй ажилгааг хянах, хамгаалах зориулалттай бакалаврын зэрэг олгох программ юм.
Мэдээллийн технологи хурдацтай хөгжихийн хирээр түүний хэрэглээ нийгэм эдийн засгийн бүхий л салбарт эрчимтэй нэвтэрч буй одоо үед энэ чиглэлээр ажиллах чадварлаг мэргэжилтэн бэлтгэн гаргах зайлшгүй шаардлага тулгараад байна. Мэргэжлийн мэдлэг ур чадвартай, гадаад хэлний мэдлэгээр шаардлага хангахуйц программист, программ хөгжүүлэгч, шалгагч зэрэг албан тушаалд ажиллах боловсон хүчний эрэлт их байна.
“Аялал жуулчлалын менежмент” хөтөлбөр
Аялал жуулчлалын менежмент мэргэжил нь аялал явагддаг газарзүйн гурван орчны тээвэр, зочид буудал-зоогийн газрын үйлчилгээ, жуулчдын сонирхлыг татдаг байгалын өвөрмөц дүр төрх бүхий газрууд, хөшөө дурсгал, эртний хот суурин, уламжлалт ардын зан үйл зэрэг үйлчилгээг нэгтгэн аяллын бүтээгдэхүүн үйлдвэрлэн онлайн байдлаар жуулчдад худалдаалдаг хөгжүүлэгч байгууллага, бэлтгэн нийлүүлэгч байгууллага, дэмжигч байгууллагын үйл ажиллагааны тухай судалдаг бөгөөд аялал жуулчлалын салбарын төрийн, бизнесийн, олон нийтийн, олон улсын болон үйлчилгээний байгууллагуудад мэргэжлийн боловсон хүчин бэлтгэн хангах зориулалттай бакалаврын зэрэг олгох хөтөлбөр юм.
Улс орны хөгжлийг дагаад хүмүүсийн өдөр тутмын амьдралын хэрэгцээнд аялал бол зайлшгүй байх болсноор аялал жуулчлалын салбар өргөн хүрээтэй болж байна. Үүнд мэдээлэл технологи болон техник технолгийн салбарын үсрэнгүй хөгжил ч хүч нэмж байна. Аялал жуулчлалын салбарын хөгжлийг дагаад одоо үед энэ чиглэлээр ажиллах чадварлаг мэргэжилтэн бэлтгэн гаргах зайлшгүй шаардлага тулгараад байна. Мэргэжлийн мэдлэг ур чадвартай, гадаад хэлний мэдлэгээр шаардлага хангахуйц аялалын мэргэжлийн хөтөч, туроперторын менежер, мэргэжлийн орчуулагч зэрэг албан тушаалд ажиллах боловсон хүчний эрэлт их байна.
СОЁЛ ЭРДЭМ
ДЭЭД СУРГУУЛЬ
