Соёл Эрдэм Коллежийн дэргэдэх Ерөнхий боловсролын дунд, ахлах сургууль нь гадаад хамтын ажиллагаагаа өргөжүүлэх ажлын хүрээнд Япон улсын Комазава Эмэгтэйчүүдийн Их Сургуулийн Дунд, Ахлах сургуультай хамтран ажиллахаар боллоо. Энэхүү хамтын ажиллагааны гэрээний хүрээнд 2 сургуулийн сурагчид харилцан туршлага судлах, хэл соёл, ёс заншил, ахуйтай танилцах, урт болон богино хугацааны сурагч солилцооны хөтөлбөрт хамрагдах юм. Цаашид ч хамтран ажиллах сургуулиудынхаа тоог нэмэгдүүлэх, япон монгол хоёр улсын боловсрол болон соёлын харилцааг тогвортой үргэлжлүүлж, өргөжүүлнэ гэдгээ арга хэмжээний үеэр сургуулийн удирдлагууд цохон дурдсан юм
